Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийлээ. Монгол улсад долоо дахь удаагаа эрсдэлийн үнэлгээ хийхэд халдвар тархах эрсдэл дахин МАШ ӨНДӨР гэж гарчээ.
Эрүүл мэндийн яамны Нийгмийн эрүүл мэндийн хэлтсийн дарга Д.Нарангэрэл: “Дэлхийн 213 оронд коронавирусийн улмаас 2.330.967 өвчилж, 160765 хүн нас барж, 596537 хүн эдгэрч эмнэлгээс гарсан байна. Дэлхий даяар 1.5 сая хүн эмнэлэгт хэвтэн эмчлүүлж байна.
Өвчлөлийн хувьд АНУ, Итали, Иран, Испани, Герман, Франц, Их Британи, Турк улсуудад голомтлон тархаж байна.
Манай улсын хувьд ажиглалтад 1227 байна. Өчигдрийн хувьд 226 гарсан ажиглалтаас гарч, гэрийн ажиглалтад шилжсэн. Нийт ажиглалтын байруудад дөрвөн их эмч, 27 дадлагажигч эмч ажиллаж байна.
Хөрш орнуудад өвчлөл их байгаа, манай олон аймагтай хиллэдэг тул иргэдийг сонор сэрэмжтэй байж, ЭМЯ-аас өгч буй зөвлөмжийг биелүүлэн, гараа сайтар угаах, маскаа зүүх, бага насны хүүхдээ дагуулж явахгүй, гадаа тоглуулахгүй байхыг хүсье” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй