Нийслэлийн дүүрэг, хороодод 1630 орчим хэсгийн ахлагч ажилладаг аж. Тэднийг өнөөдрөөс Цагдаагийн ерөнхий газраас баталсан хуваарийн дагуу олон нийтийн цагдаагийн сургалтад суулгаж эхэлжээ.
Сургалтын дараа шалгалтад тэнцсэн хэсгийн ахлагч нарт олон нийтийн цагдаагийн эрх олгох юм байна. Ингэснээр тэд Зөрчлийн тухай хуулийн дагуу иргэн, аж ахуйн нэгжид гудамж талбайд шүлс, нусаа ил задгай хаясан, зөвшөөрөгдөөгүй газар хогоо хаясан гэх мэт зөрчлүүдэд хялбаршуулсан журмаар торгуулийн арга хэмжээ авах эрхтэй болох юм.
Энэ талаар нийслэлийн ЗДТГ-ын Хэвлэл мэдээлэлтэй харилцах хэлтсийн дарга Ц.Мөнхбаатар “Хотын соёл” аян Улаанбаатар хотын хэмжээнд өрнөж эхэлсэн. Уг аяныг гардан зохион байгуулах хүмүүс нь хороо, дүүргийн хэсгийн ахлагч нар юм. Хэсгийн ахлагчид энэ сарын 15-аас эхлэн Зөрчлийн тухай хуульд заасан тодорхой зүйл заалтаар торгох, хариуцлага тооцох эрхтэй болно. Тиймээс энэ хүмүүсийн шаардлагыг хүлээн авч биелүүлэхийг иргэд, олон нийтээсээ хүсэж байна” гэсэн юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй