“Тэс петролиум” компанийн шатахуун тээвэрлэж явсан машин гэмтлийн эмнэлгээс уруудах замд осолдож, их хэмжээний шатахуун зам дээр асгарчээ. Урьдчилсан байдлаар уг ослыг халтиргааны улмаас гарсан байж болзошгүй гэж үзэж байгаа аж. Шатахуун тээвэрлэж явсан 6 тоннын автомашин өгсүүр газар руу өгсөж явахдаа хүч алдан буцаж, арын чиргүүлээ мөргөн цөмлөснөөс 1 тонн гаруй шатахуун асгарчээ. Аврагчид элс, давсаар асгарсан бензинийг саармагжуулахын зэрэгцээ чиргүүлийн цистернд үлдсэн шатахууныг өөр машинд юүлэх ажлыг гүйцэтгэж байна хэмээн Онцгой байдлын ерөнхий газраас мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй