Монгол дахь коронавирусийн батлагдсан тохиолдол 15 болов

2020-04-06 644 0

Эрүүл мэндийн яамнаас коронавирусийн нөхцөл байдлын талаарх ээлжит мэдээллээ хийв. Энэ үеэр манай улсад уг халдварын тохиолдол нэгээр нэмэгдэж 15 болсныг мэдээллээ. ХӨСҮТ-ийн захирал Д.Нямхүү: “Сүүлийн 24 цагийн байдлаар Монгол улсад сэжигтэй тохиолдол тусгаарлагдаагүй. Дархан-Уул аймагт тусгаарлагдаж байсан гурван иргэний шинжилгээнд коронавирус илрээгүй. 

ХӨСҮТ-д тусгаарлагдан, хянагдаж байсан Турк улсын иргэнээс коронавирус илэрсэн. Ийнхүү монгол улсад коронавирусийн батлагдсан нийт 15 тохиолдол бүртгэгдлээ. 13 тохиолдол нь ХӨСҮТ-д эмчлэгдэж байна. Бид өнөөдөр Токио-Улаанбаатар чиглэлийн тусгай нислэгээр ирж, ажиглалтад байгаа 184 иргэнээс шинжилгээ авахаар төлөвлөөд байна” гэв.

Харин ЭМЯ-ы хэлтсийн дарга Б.Нарангэрэл “Өнөөдрийн байдлаар ажиглалтад 2075 хүн байна. 21 хоногтой нярай халуурч эмнэлгийн тусламж авсан. Эрчимт эмчилгээний тасагт 212 иргэн байна” гэж мэдээллээ.

Эрүүл мэндийн яамны ээлжит хэвлэлийн хурлын дараа ХӨСҮТ-ийн Тандалт судалгааны албаны дарга А.Амбасэлмаа сэтгүүлчдийн асуултад “Өнөөдөр батлагдсан коронавирусийн тохиолдол нь өмнө нь илэрч байсан Турк улсын хоёр иргэнтэй хавьтал байсан. Шинж тэмдэггүй хэлбэрээр илэрсэн. Өдөр бүр шинжилгээ авч байгаа. Нэгдүгээр хавьтлын 12 хүнийг тусгаарлан, ажиглалтад аван шинжилгээ авч байгаа” гэж хариулав. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Төслийн хүрээнд 40 орчим мянган хүүхдийг харааны үзлэгт хамруулна

Орбис олон улсын байгууллага болон Боловсролын ерөнхий газар хамтран цэцэрлэг, сургуулийн хүүхдийн н

2024-05-23

Салхин цэцэг өвчний тохиолдол өмнөх оны мөн үеэс 24 хувиар өсжээ

2024 оны эхний дөрвөн сарын байдлаарх нийгэм, эдийн засгийн үзүүлэлтүүдийг Үндэсний Статистикийн Хор

2024-05-17

7 хоногийн хугацаанд 28 сая төгрөгийг буруутай этгээдээр нөхөн төлүүлжээ

Эрүүл мэндийн даатгалын тухай хуульд заасны дагуу хохирсон даатгуулагчийн эрүүл мэндийн тусламж, ү

2024-05-16