Цаг уур орчны шинжилгээний газраас ням гараг буюу 03 дугаар сарын 23-аас лхагва гараг хүртэл /2025.03.23-26/ ихэнх нутгаар хүйтний эрч чангарч, эрс хүйтрэхийг анхаарууллаа. Эдгээр өдрүүдэд ихэнх нутгаар хүчтэй шороон болон цасан шуурга шуурах бөгөөд үзэгдэх орчин хязгаарлагдахыг анхааруулж байна.
24, 25-нд ихэнх нутгаар салхи, шуургатай, сэрүүсч эхлэх ба Улаанбаатарт нойтон цас, цас, 26-нд ялимгүй цас орж, цасан шуурга шуурна.
Бусад нутгаар:
- 23-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр бороо, нойтон цас,
- 24-нд баруун, төв, зүүн аймгуудын нутаг, говийн аймгуудын нутгийн хойд хэсгээр,
- 25-нд баруун болон төвийн аймгуудын ихэнх нутаг, говийн аймгуудын нутгийн хойд хэсэг, зүүн аймгуудын нутгийн зарим газраар,
- 26-нд баруун болон говийн аймгуудын нутгийн зарим газар, төв, зүүн аймгуудын ихэнх нутгаар нойтон цас, цас орж, цасан шуурга шуурна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй