Засгийн газар, Улсын онцгой комиссын шийдвэрийн дагуу гадаад улсад байгаа хүндэтгэн үзэх шалтгаантай иргэдээ татан авах тусгай үүргийн онгоц өнөөдөр Токио, Сөүл хот руу нислэг үйлдэнэ.
Токио-Улаанбаатар чиглэлийн нислэг 13.00 цагт хөөрч, орон нутгийн цагаар 19.00 цагт Токиод газардана. Тус нислэгээр 255 хүн ирэхээр суудлаа баталгаажуулсан бөгөөд маргааш 13.05 цагт Улаанбаатарт бууна.
Харин БНСУ-Улаанбаатар чиглэлийн нислэг өнөөдөр 08.40 цагт хөөрсөн ба 17.00 цагт Улаанбаатарт газардана. БНСУ-аас 251 иргэн ирэх юм. Тэдгээр иргэдийг ирсэн даруйд нь 21 хоногийн хугацаанд журмын дагуу тусгаарлана. Ачаа тээшинд нь ч зохих журмын дагуу ариутгал халдваргүйтгэл хийнэ.
Манай улс гадаад улсаас 1075 иргэнээ татаж аваад байгаа ба халдварын шинж тэмдэг илрээгүй 616 иргэн тусгаарлалтаас гарч гэрийн хяналтад ороод байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй