ХХОАТ-ын чөлөөлөлтөд гурван төрлийн ажилтнууд хамаарахгүй!?

2020-04-01 1396 0

Ердөө хэдхэн хоногийн өмнө буюу 03-р сарын 27-ны өдөр Ерөнхий сайд У.Хүрэлсүх мэдээлэл хийж, Засгийн газрын ээлжит бус хуралдаанаар улс орны эдийн засаг, ард иргэд, хувийн хэвшлээ дэмжих чиглэлээр гаргасан долоон шийдвэрийг танилдцуулсан.

Харин өнөөдөр Сангийн сайд Ч.Хүрэлбаатар хэрхэн хэрэгжүүлэх талаар тайлбар хийлээ. Түүний хэлснээр “Хувь хүний орлогын албан татварын чөлөөлөлтөд гурван төрлийн ажилтнууд хамаарахгүй” юм байна. Үүнд:

-Төсвөөс цалин авдаг албан хаагчид,

-Төрийн өмчит аж ахуйн нэгж, орон нутгийн өмчит аж ахуйн нэгж болон төрийн өмчийн оролцоотой ААН-д

-Тендерээр ажил гүйцэтгэж байгаа ажилтнуудад хамаарахгүй гэв.

Тендерийн шалгаруулалтад ирүүлсэн үнийн саналдаа ажилчдын цалин хөлс, татварыг бүгдийг нь тусгасан байдаг тул хөнгөлөлт эдлэхгүй гэдгийг тэрээр онцолсон юм. Харин төсвөөс цалин авдаг албан хаагчдын тухайд орлогын хэмжээнд нь өөрчлөлт орохгүй учраас гэж үзэж буй юм. Үлдсэн бүх ААН, ХХОАТ бүрэн хэмжээнд чөлөөлөгдөх гэнэ. Үүнд нийт 526 мянган хүн хамрагдах аж.

Уг нь Ерөнхий сайд мэдээлэл хийхдээ ” 2020 оны дөрөвдүгээр сарын 1-ээс аравдугаар сарын 1 хүртэл зургаан сарын хугацаанд иргэдийн цалин хөлснөөс ОРЛОГЫН АЛБАН ТАТВАР авахгүй” гэж хэлсэн билээ.

Түүнчлэн Сангийн сайд ААН-үүдэд ажилгүйдлийн сангаас гурван сарын турш сар бүр 200,000 төгрөг олгох болсон талаар “Төрийн байгууллагын шийдвэрээр үйл ажиллаагааг нь зогсоосон ч ажлын байраа хадгалж байгаа байгууллагуудад энэ шийдвэр хамаарна” гэв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Нийслэлийн Засаг дарга асан Д.Сумъяабазар намын жагсаалт болон тойрогт нэр дэвшигчдийн тоонд багтсангүй

УИХ-ын сонгуулийн тухай хуулийн дагуу 2024 оны ээлжит сонгуульд оролцох нам, эвслүүд өчигдөр нэр дэв

2024-05-21

АН-аас “Ширэнгийн хууль”-аар нэр дэвшигсэд ба жагсаалтыг өнгөлсөн Л.Гантөмөр

Өнгөрсөн шөнө нам, эвслүүд нэр  дэвшигчдээ тодрууллаа. Энэ дунд ардчиллын тулах баганын нэг гэгддэг

2024-05-21

Л.Оюун-Эрдэнэ, Лу.Гантөмөр нар нэг тойрогт халз үзье гэвэл би үгүй гэхгүй

“Үндэсний Эвсэл”-ийг Монголын либерал ардчилсан нам дэмжихээ илэрхийлж, хамтын ажиллагааг баталгаажу

2024-05-16