“Covid-19” цар тахал хүрээгээ тэлсээр байна. АНУ-д өнгөрсөн хоногт 800 гаруй хүн нас барж, Испани, Францад мөн нас барсан хүний тоо өмнөх өдрөөс өсчээ. Италийн Ломбарди мужид 3-р сарын 25-аас хойш нас баралт бага багаар буурч байна. Тус мужид 3-р сарын 30-нд 458, 31-ний өдөр 381 нас баралт бүртгэгдсэн байна.
ХӨСҮТ-ийн захирал Д.Нямхүүгийн мэдээлснээр: Токио-УБ онгоцоор ирж, тусгаарлагдаж байсан 25 хүний шинжилгээний хариу сөрөг гарсан. Улсын хэмжээнд уушгины хатгалгаагаар өвчилсөн хүмүүсээс түүврээр сорьц авч, шинжлэхэд коронавирус илрээгүй байна.
Харин тусгаарлалтад байсан хоёр турк иргэнээс коронавирус илэрчээ. Энэхүү хоёр иргэн нь Солонгосын тусгай үүргийн онгоцоор гуравдугаар сарын 28-нд Монгол Улсад ирсэн бөгөөд Туркийн Элчин сайдын яамны ажилтны ар гэрийн хүмүүс аж. Солонгос улс өөрсдийн иргэдээ манай улсаас авахаар илгээсэн онгоцоор тэд ирсэн бөгөөд ирсэн даруйдаа тусгаарлагджээ. Тэднээс гурав хоногийн дараа шинжилгээ авахад хариу нь эерэг гарсан байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй