Нийслэлийн Эрүүл мэндийн газраас БНХАУ-д үйлдвэрлэсэн “Woo Lee” хар перецийг хэрхэн хэрэглэх талаар сэрэмжлүүлэг гаргажээ.
Уг амтлагч нь холимог найрлагатай, нэмэлтээр нитрит агуулж байгаа тул үйлдвэрлэгчээс заасан технологийн дагуу түүхий бүтээгдэхүүнийг амтлан, халуун боловсруулалтад заавал оруулж хэрэглэх шаардлагатай аж.
Хүнсний аюулгүй байдлын үндэсний лавлагаа лабораторийн хими, хор судлалын лабораторийн шинжилгээгээр тус бүтээгдэхүүний найрлагад нитрит зөвшөөрөгдөх хэмжээнд агуулагдаж байгааг тодорхойлсон байна. Харин шошгын мэдээлэлд NOT READY TO EAT буюу шууд хэрэглэхийг хориглоно гэж анхааруулжээ.
Иймд болсон хоол хүнс, салатанд шууд цацаж хэрэглэж болохгүй. Нитритийн давсыг шууд хэрэглэвэл бөөлжих, дотор муухайрах, толгой эргэх, ядрах, сульдах зэрэг хордлогын шинж тэмдэг илрэхийг анхаарууллаа.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй