Дэлхий нийтэд тархаад буй коронавирусийн халдвараас урьдчилан сэргийлэх арга хэмжээнүүдийг чангатгах Улсын онцгой комиссын шийдвэрийн дагуу “Иргэдийн эрүүл мэндийг хамгаалах талаар авч хэрэгжүүлж байгаа ажлыг эрчимжүүлэх тухай” нийслэлийн Засаг даргын А/223 дугаар захирамжийн үйлчлэх хугацааг ирэх дөрөвдүгээр сарын 30-ны өдрийг хүртэл сунгасан. Үүнтэй холбогдуулан Нийслэлийн Засаг даргын “Коронавируст /КОВИД -19/ халдвараас иргэдийн эрүүл мэндийг хамгаалах талаар авч хэрэгжүүлж байгаа ажлыг эрчимжүүлэх тухай” А/436 тоот захирамж гарсан.
Захирамжид зааснаар согтууруулах ундаа худалдах, түүгээр үйлчилгээ эрхлэх тусгай зөвшөөрөлтэй худалдаа үйлчилгээний газрын үйл ажиллагаа явуулах цагийн хязгаарыг 07:00-22:00 цаг хүртэл тогтоохоор болсон. Тэгэхээр энэ сарын 30-ны өдрийг дуустал найман нэрийн барааны хүнсний дэлгүүрүүд ч мөн энэ цагийн хуваарийн дагуу ажиллах нь.
Мөн иргэдийн сэтгэлийг түгшээж байсан нэг асуудал нь ХӨСҮТ-өөс гарч буй бохир усны асуудал. Тэгвэл уг захирамжид энэ асуудлыг мөн тусган “ХӨСҮТ-ийн цэвэрлэх байгууламжийн усны гарах хэсгийн химийн болон бактериологийн үзүүлэлтийг 7 хоногт нэг удаа үзэж, цэвэрлэгээ халдваргүйтгэлийг хийж байх”-ыг үүрэг болгосон байна.
Захирамжийг бүрэн эхээр нь танилцуулж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй