Монголын аялал, жуулчлалын холбооны хийсэн судалгаагаар энэ жил Монгол улсад аялахаар төлөвлөж, захиалга өгсөн жуулчдын 70 хувь нь захиалгаа цуцалжээ.
Хамгийн сүүлд тооцсоноор аялал, жуулчлалын салбар 2018 онд 577 мянга гаруй жуулчин хүлээн авч 569 сая ам.долларын ашигтай ажиллаж байж.
Энэхүү үзүүлэлт 2020 онд 24 хувиар өсөх хүлээлттэй байсныг Монголын аялал, жуулчлалын холбооны Гүйцэтгэх захирал Д.Отгонбаяр онцолсон ч нөхцөл байдал коронавируст халдвараас шалтгаалан ийн өөрчлөгджээ. Хэрэв байдал хүндэрсээр байвал дотоодод 50-60 мянган ажлын байр бий болгодог тус салбарт компаниуд ажилтнуудаа цомхотгохоос өөр аргагүйд хүрч мэдэхээр байгаа аж.
Монгол улсад аялахаар зорин ирдэг жуулчдыг хувьчлан ангилвал:
31 хувь нь БНХАУ,
26 хувь нь ОХУ,
16 хувь нь БНСУ,
4 хувь нь Японы иргэд, үлдсэн нь Европ болон АНУ-аас ирдэг байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй