Өмнө нь жоргүй олгодог байсан эмийг жороор олгох болсон нь иргэдийн бухимдлыг ихээхэн төрүүлсэн. Харин албаныхан “Заавал жороор өгөх ёстой эмийг нэг нь дур зоргоороо өгч, нөгөө нь хэрэглэдэг байсан хавтгайрлыг зогсоох шаардлагатай байсан” гэж тайлбарласан.
Тэгвэл жортой, жоргүйн дунд иргэдийг төөрөгдүүлэн бухимдахад хүргээд байсан 170 гаруй эмийг жоргүй олгохоор болжээ.
Эм эмнэлгийн хэрэгслийн хяналт, зохицуулалтын газрын дарга Л.Алтанцэцэг “Өвчин намдаах эмүүд, сэтгэц нөлөөт болон бусад шалтгааны эмүүдийг жортой олгож байгаа. Анх ибупрофен дээр асуудал үүссэн. Хүний эмийн зөвлөл хуралдаад, Монгол Улсад байгаа 11 төрлийн ибупрофенийг жоргүй олгохоор болсон” гэсэн байна.
Та авахыг хүссэн эмээ жортой олгох эсэхийг 111 дугаараас тодруулах боломжтой юм байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй