Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Т.Даваадалай импортоор орж ирсэн автомашинд Улаанбаатар хотод харьяатай улсын дугаар олгохгүй байх талаар мэдээлэл хийлээ.
Тэрээр “Нийслэлчүүд цаашид энэ байдлаар явбал Улаанбаатар хотын хүн ам 2 саяд хүрч, нийтийн тээврийн үйлчилгээний хүртээмж 25 хувь болж буурахаар байна. Оргил ачаалалтай үеийн машины хурд явган хүний хурдад дөхөхөөр тооцоолол гарсан. Түгжрэлийн урт 200 км хүрэхээр тооцоолол гарсан. Нийслэлийн ИТХ-аас энэ оны хоёрдугаар сарын 8-нд Нийслэлд олгох тээврийн хэрэгслийн улсын бүртгэлийн дугаарын дээд хязгаарыг 730 мянга байх тухай тогтоол гаргасан. Гэвч өнөөдрийн байдлаар Улаанбаатар хотод 785 мянган тээврийн хэрэгсэл бүртгэгдсэн. Одоо нийслэлд байгаа машины тоо 55 мянгаар хэтэрсэн байна.
Тиймээс Улаанбаатар хотод арваннэгдүгээр сарын 8-аас эхлэн тээврийн хэрэгсэлд улсын дугаар шинээр олгохыг хязгаарласан Хотын даргын захирамж гарсан” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй