![](https://mlife.mn/wp-content/uploads/2024/07/songuuli-cover-1-566x356-1.jpg)
“Бодлогод залуусын хяналт” ТББ-аас сонгуулийн зардлын тайлагналтын үйл явцад хяналт тавин ажиллажээ. Тус байгууллагын мэдээлснээр “УИХ-ын сонгуулийн тухай хуулийн 50.2-т сонгуулийн зардлын дээд хэмжээ тогтоох аргачлал нь сонгуулийн зардлыг бууруулахад чиглэнэ гэсэн боловч зардлын явцын тайлангийн урьдчилсан дүнгээ үзэхэд 147 нэр дэвшигч 70,153,415,020 төгрөгийн орлого бүрдүүлснээ, 58,145,985,668 төгрөгийн зарцуулалттай байгаа бол 14 нам, эвсэл 11,410,796,058.53 төгрөгийн орлого бүрдуулснээс 8,501,881,280.18 төгрөгийн зарцуулалттай гэжээ.
Тодруулбал, 2024 оны сонгуульд 87.5 гаруй тэрбум төгрөгийн орлогоос 66.6 тэрбумыг нь өнөөдрийн байдлаар зарцуулжээ. Үүнээс Улаанбаатар хотын 6 тойрогт 17 орчим тэрбумын орлого бүрдүүлснээс , 13 тэрбумыг зарцуулж, үлдсэн 45 тэрбум төгрөгийг орон нутгийн 7 тойрогт зарцуулсан байна.
УИХ-д суудал авсан намуудын явцын тайланг нэгтгэвэл,
- МАН-ын 76 нэр дэвигч 41 тэрбум гаруй төгрөгийн орлого бүрдуулснээс , 29.6 тэрбум гаруйг зарцуулсан
- АН-ын 73 нэр дэвшигч 26.2 тэрбум гаруй орлого бүрдуулснээс 21.7 гаруйг тэрбумыг зарцуулсан,
- ХУН-Ын 74 нэр дэвшигч 3.2 тэрбум гаруй төгрөгийн орлого, 2.3 тэрбум гаруй төгрөгийн зардал
- Үндэсний эвслийн 41 дэвшигчийн 2.9 тэрбум төгрөгийн орлого, 2.3 тэрбум гаруй төгрөгийн зардал
- Иргэний зориг ногоон намын 12 нэр дэвшигчийн 577 сая гаруй төгрөгийн орлогоос 525 сая төгрөг зардлыг гаргасан байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй