Баян-Өлгий аймагт тусгаарлагдаж байгаад гарсан нэг эмэгтэй өөр хүний паспорт ашиглан Улаанбаатар хот руу нийтийн тээврээр орж ирэхийг завдсан хэрэг гарчээ. Тухайн иргэнийг ОБЕГ, ЦЕГ, Нийслэлийн Эрүүл мэндийн газартай хамтран тусгаарлалтад оруулсан талаар Эрүүл мэндийн яамны хэлтсийн дарга Б.Нарангэрэл COVID-19-ийн талаарх ээлжит мэдээлэл хийх үеэрээ хэлэв.
Тэрээр “Энэ мэтчилэн өөрийгөө болон хайртай хүмүүсээ, бусдыгаа, цаашлаад эх орноо эрсдэлд оруулах үйлдэл гаргахгүй байхыг иргэддээ анхааруулж байна” гэсэн юм.
Уг иргэнд ямар хариуцлага тооцох тухай сэтгүүлчийн асуултад тэрээр “Зөрчлийн тухай, Эрүүл мэндийн тухай хууль болон өндөржүүлсэн бэлэн байдал зарласантай холбоотойгоор Гамшгийн тухай хуулиар тодорхой арга хэмжээ авах хуулийн заалттай” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй