Улсын аварга С.Мөнхбат сонгуульд нэр дэвшигч нэгэн улстөрчийн сурталчилгааны ажилд оролцох үеэрээ энэ жилийн наадмаар барилдахгүй гэдгээ хэлсэн байна. Тэрбээр “Би энэ жилийн наадамд барилдахгүй байя гэж бодож байгаа. Гэхдээ надад бэртэл гэмтэл байхгүй. Бэлтгэлийн хувьд өндөр түвшний бэлтгэл алга.
Тавын даваанд тахим буулгаад нутгийн дүүгээ үнсээд байвал хэдэн ч жил үнсэхээр байна. Гэвч ингэх шаардлагагүй гэж бодож байна. Аварга хүн ард түмнээ хүндлээд, баясгаад наадамд гарах нь мэдээж гоё. Гэхдээ үзүүр, түрүү булаалдах сэтгэл зүйгүй бол, хүмүүс ч тэгэж харахгүй бол барилдаад хэрэггүй. Би гурван хүүтэй. Бөх болгоно гэж бодож байгаа. Тиймээс аав нь унаж харагдаад, хэн нэгнийг үнсэж явуулаад байвал муухай” гэжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй