Өвөрхангай аймгийн Сант сумын АН-ын дарга Б-ийн амь насаа алдсантай холбогдуулан Батлан хамгаалахын сайд Г.Сайханбаярыг эгүүлэн татах шийдвэрийг МАН-ын сонгуулийн төв штабаас гаргасан.
Тэгвэл хуулийн дагуу нэр дэвшигчийг сонгогчдын саналын хуудсыг хэвлэсний дараа хасах боломжгүй гэлээ.
Батлан хамгаалахын сайд Г.Сайханбаярыг СЕХ нэгэнт нэр дэвшигчээр батламжилсан тул Сонгуулийн тухай хуульд намын шийдвэрийг харгалзан үзэх заалт байхгүйн дээр өөрийн хүсэлтээр нэр дэвшихээс татгалзах хүсэлтээ СЕХ-нд гаргасан ч түүнийг нь мөн хүлээн авах боломжгүй аж.
Учир нь, УИХ-ын 2024 оны ээлжит сонгуулийн сонгогчдын саналын хуудсыг нэгэнт хэвлэсэн бөгөөд хуульд зааснаар Г.Сайханбаярын нэрийг хасах боломжгүй аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй