АНУ-ын Техас мужид болж буй пауэрлифтингийн хэвтээ шахалтын дэлхийн аварга шалгаруулах тэмцээнд мастер-1 ангиллын 93 кг-ын жинд Ц.Отгондалай цээжнээс 197.5 кг-ыг шахаж, алтан медаль хүртлээ. Ц.Отгондалай ДАШТ-ээс хоёр дахь (өмнө нь Алмата-2022) алтан медалиа, мөн ДАШТ-ий дөрөв дэх медалиа ийн гардлаа.
Насанд хүрэгчдийн хэвтээ шахалтын 93 кг-ын жинд Г.Оргилболд цээжнээс 227.5 кг-ыг шахсанаар алтан медаль хүртэж, гурван жил дэлхийн дэвжээнд түрүүлж, пауэрлифтингийн төрлөөр ДАШТ-ээс гурван алтан медаль хүртсэн (Алмата-2022 алт), (Йоханнсбург-2023 алт) Монголын анхны тамирчин боллоо.
Энэ сарын 21-нээс зургадугаар сарын 1 хүртэл үргэлжлэх уг тэмцээнд манай улсаас МПНХ-ны 20 тамирчин өрсөлдөж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй