УИХ дахь АН-ын бүлэг мэдээлэл хийж, сар шинийн дараагаас төр эзгүйрснийг шүүмжиллээ. Үнэхээр ч том тойрогт нэр дэвшихгийг горилсон УИХ-ын гишүүд хөдөөгүүр явж байгаа.“Хууль тогтоох дээд байгууллага ажлаа хийхгүй Монгол орон даяар тараад алга боллоо” гэж УИХ-ын гишүүн Ж.Батсуурь хэлэв.
АН-ын бүлгээс хоёрдугаар сарын 20-нд малчны зээлийн хүүг царцаах эсвэл Хаан, Төрийн банкны даатгалын эрсдлийн сангаас хохирсон малчдад нөхөн олговор олгох, амьжиргаанаасаа салсан иргэдийн асуудлыг нэн даруй шийдэх асуудлаар УИХ-ын даргад хуулийн төсөл өргөн барихаар шийдвэрлэжээ. Гэвч УИХ-ын дарга Г.Занданшатар ажлаа хийхгүй байгаагаас төслөө өргөн барьж чадахгүй байгаа гэнэ. Хоёр удаа цаг товлосон ч УИХ-ын дарга зугатчихжээ. Тиймээс УИХ хоёр сарын хугацаанд ирцээ бүрдүүлж хуралдаад АН-ын өргөн барих гэж байгаа төслийг хэлэлцэх ёстой гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй