УИХ-ын Боловсрол, соёл, шинжлэх ухаан, спортын байнгын хорооны хуралдаанаар төрийн өмчийн ерөнхий боловсролын сургууль, цэцэрлэг, дотуур байрны нүхэн жорлонг орчин үеийн стандарт, шаардлагад нийцсэн ариун цэврийн байгууламжаар солих ажлын явц, үр дүнгийн талаар Боловсрол, шинжлэх ухааны сайдын мэдээллийг сонслоо.
Боловсрол, шинжлэх ухааны сайд Л.Энх-Амгалан “Өнгөрсөн хугацаанд 302 сургууль, цэцэрлэг, дотуур байрны модон жорлонг халж орчин үеийн боловсон ариун цэврийн байгууламжийг улсын комисст хүлээлгэн өгсөн. Эдгээр ариун цэврийн байгууламжийг 100 хувь ашиглаж байгаа” хэмээн танилцууллаа.
Одоогоос хагас жилийн өмнө Л.Энх-Амгалан сайд нүхэн жорлонг халах ажлыг нийтдээ 18 аймаг, 267 сумын 853 сургууль, цэцэрлэг, дотуур байранд дөрвөн ээлжээр хийхээр төлөвлөж байгаа талаараа мэдэгдэж байсан юм. Тодруулбал,
- 1,2-р ээлжид 16 аймгийн 92 сумын нийт 307 объект
- 3-р ээлжид 17 аймгийн 130 сумын 303 объект
- 4-р ээлжид 18 аймгийн 92 сумын 243 объект.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй