Хятадад дэгдээд буй нянгийн гаралтай уушгины хатгаагаар 0-5 насны хүүхдүүд хүндрэх эрсдэлтэй, хүүхдэд чих үрэвсэх шинж тэмдэг илэрч байна

2023-11-30 4733 0

БНХАУ-д хүүхдүүдийн дунд хүнд хэлбэрийн уушгины хатгаа нэмэгдэж буй талаар ХӨСҮТ-ээс мэдээлэл өгсөн.

БНХАУ-ын Эрүүл мэндийн төв байгууллагаас арваннэгдүгээр сарын 13-нд Бээжин, Манжуур зэрэг хойд хэсгийн бүс нутгуудад хүүхдүүдийн дунд уушгины хатгалгаа нэмэгдэж байна гэж мэдээлжээ. Тодруулбал, микоплазмын шалтгаант уушгины хатгаа ковид, томуугийн халдварын хамт нэмэгдсэн байна. Ковидын хязгаарлалтыг цуцалснаар амьсгалын замын халдвар нэмэгдсэн гэж дүгнэсэн байна.

Микоплазмын шалтгаант хатгаа нь дэлхийн бүх улс орны хүн амын дунд бүртгэгдэж байдаг, шинэ биш гэдгийг ХӨСҮТ-ээс онцлов.  Өвчлөлийн үед амьсгалын дээд замын шинж тэмдэг илэрдэг ч хатгаа болж хүндэрдэг, насанд хүрэгчдэд хөнгөн хэлбэрээр явагддаг ч 0-5 насны хүүхэд хүндрэх эрсдэлтэй байдаг байна.

ХӨСҮТ дээр хоёр удаагийн эрсдэлийн үнэлгээ хийхэд Монгол Улс дунд зэргийн эрсдэлтэй гэсэн дүгнэлт гарч, хүн амын дунд тандалт, урьдчилан сэргийлэх арга хэмжээг үргэлжлүүлж байна. Өнөөдрийн байдлаар манай улсад уг нянгийн шалтгаант хатгаа бүртгэгдээгүй байна.

Ханиалгах, халуурах, хүүхдэд чих үрэвсэх шинж тэмдэг илэрвэл эрүүл мэндийн байгууллагад хандахыг зөвлөж байна. Иргэдийг цах тахлын үед сахиж байсан хувийн халдвар хамгааллын дэглэмийг мөрдөхийг уриалав. Мөн хилээр зорчихыг хязгаарлахгүй ч БНХАУ-д зорчоод ирсэн тохиолдолд 7-21 хоногийн хугацаанд өөрт ямар нэгэн шинж тэмдэг илэрч байгаа эсэхийг ажиглахыг зөвлөлөө.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улсын арслан М.Бадарчийн гомдол гаргасан шүүх хурал хойшилжээ

Монголын Олон Улсын ба Үндэсний Спортын Арбитрын шүүх байгууллагаас мэдээлэл хийлээ. Тус байгууллага

2024-02-23

С.Амарсайхан: Зуднаар үхсэн малын махыг зарах асуудал гарсан бол нийгмийн эрүүл мэндийн эсрэг гэмт хэрэгт тооцогдоно

Хаваржилтын нөхцөл байдал, хэрэгжүүлж буй арга хэмжээний талаар УОК-оос мэдээлэл хийлээ. Шадар сайд,

2024-02-22

Маршал Хорлоогийн Чойбалсан 39 размерын гутал өмсдөг байжээ

Хэдхэн хоногийн өмнө буюу 02 дугаар сарын 08-ны өдөр маршал Хорлоогийн Чойбалсаны мэндэлсэн өдөр тох

2024-02-21