Монголын баг уран бүтээлчид 72 цагийн кино наадмаас “The Minding Creative Minds” шагнал хүртжээ.
FNI /Film Network Ireland/ Ирландын кино нийгэмлэгээс зохион байгуулсан “FNI FAST FEST” 72 цагийн кино наадамд Ирландад ажиллаж амьдарч буй залуус Монгол улсаа төлөөлөн оролцож, “The Angel” бүтээлээрээ энэхүү шагналыг хүртсэн байна. Уран бүтээлч залуус эх орондоо болж бүтэхгүй байгаа нийгмийн асуудлыг шигтгэхээс гадна цаг бусаар бусдын гарт амиа алдсан 12 настай бяцхан охины дурсгалд зориулж бүтээлээ “The Angel” гэж нэрлэжээ.
11 дүгээр сарын 14-ний өдөр FNI Awards болсон ба дэлхийн өнцөг булан бүрээс ирсэн 100 орчим залуус оролцож, нийт 18 богино хэмжээний кино бүтээлээр өрсөлджээ.
“The Angel” киноны найруулагчаар Б.Балжинням, туслах найруулагч, жүжигчин Б.Чойжамц, продакшн менежер З.Өлзийдарь, зураглаач Ж.Төгөлдөр, зураач Д.Энхжаргал, дууны найруулагч, эвлүүлэгч Б.Бат-Очир, жүжигчин Г.Содбаяр, О.Ундармаа, Д.Сайханжаргал нар ажиллажээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй