Хагас мэргэжлийн багт уралдан “Парис 2024”олимпийн эрхээ аваад байгаа ОУХМ С.Жамбалжамц Испанийн мэргэжлийн баг “Burgos BH” багтай гэрээ байгуулсан тухай Монголын дугуйн холбооноос мэдээллээ.
Ингэснээр С.Жамбалжамц “World Pro tour” буюу дэлхийн мэргэжлийн шилдэг баг, тамирчид уралддаг “Vuelta a Espana”, “Giro d’Italia”, “Tour de France” зэрэг тэмцээнд оролцох боломжтой болж байгаа аж.
Монгол улс Уорлд турын түүхэнд анхны тамирчнаа бүртгүүлсэн 88 дахь гишүүн болсныг UCI онцлон зарлаж байна.
Мөн дугуйн топ уралдааны амжилт, чансааг мэдээлдэг https://www.procyclingstats.com/ цахим хуудсанд Сайнбаярын Жамбалжамцыг өнөөдрийн хамгийн алдартай дугуйчнаар онцолжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй