“Дэлхийн шилдэг зохиолчид Монголд” төслийн хүрээнд “Амьдрахуй”, “Вэн хот” зэрэг зохиолуудаараа монгол уншигчдын танил болсон Хятадын нэрт зохиолч Үй Хуа Монголд ирээд байгаа билээ.
Шүдний эмч хийн өдөржин суух ажлаасаа залхсан тэр 19 настайдаа сумынхаа соёлын төвд ажилд орж, бичиж эхэлснээр 1983 оны нэгдүгээр сард “Баруун нуур” сэтгүүлийн оны эхний дугаарт “Анхны дотуур байр” өгүүллэгээ нийтлүүлж зохиолч болох замдаа анх хөл тавьсан гэдэг.
Тэрбээр нийт таван роман, зургаан өгүүллэгийн түүвэр, эсээ, нийтлэлийн дөрвөн ном хэвлүүлж, бүтээлүүд нь дэлхийн хориод хэлнээ орчуулагджээ.
Монголд зохиол бүтээл нь хамгийн олон тоогоор хэвлэгдсэн гадаад зохиолчдын нэг болсон Үй Хуа өнөөдөр төрийн шагналт зохиолч Доржготов гуайг тусгайлан хүлээн авч уулзсан байна. Уулзах үеэрээ тэрбээр Доржготов гуайг эчнээ таних, зохиол бүтээлийг нь уншиж, биширсэн тухайгаа онцолжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй