Цагдаагийн байгууллагад 2023 оны есдүгээр сарын 11-ний өдрийн 09:34 цагт Хан-Уул дүүргийн 15 дугаар хорооны нутаг дэвсгэрт байрлах хотхоны … тоотод “Хүн орж ирээд зодоон болоод байна” гэх дуудлага, мэдээлэл бүртгэгджээ.
Дуудлагын мөрөөр тус дүүргийн цагдаагийн газрын Нэгдүгээр хэлтсээс шалгахад иргэн А.Гансүхийн биед иргэн “И” гэгч халдсан бөгөөд уг үйлдэлд мөрдөн шалгах ажиллагаа явуулж байна гэв. Иргэн А.Гансүхийг хохирогчоор тогтоон гэмтлийн зэргийг тогтоолгохоор Шүүх шинжилгээний ерөнхий газарт шинжээч томилж, мөрдөн шалгах ажиллагааг үргэлжлүүлж байгаа аж.
А.Гансүхийн хувьд Зам тээврийн сайдаар ажиллаж байхдаа “төмөр замын” гэх хэрэгт буруутгагдан яллагдагчаар татагдсан ч ял шийтгэлгүй үлдсэн юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй