Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102, Ардчилсан хувьсгалын 33 жилийн ойн Үндэсний их баяр наадмын хүчит бөхийн барилдаанд үзүүрлэсэн Өвөрхангай аймгийн Төгрөг сумын харьяат Ц.Бямба-Отгон цолны мялаалга наадмаа хийлээ.
Өвөрхангай аймгийн төвд болсон уг мялаалга наадамд тус аймгийн Улаанбаатар хот дахь нутгийн зөвлөл, УИХ-ын гишүүд, бизнесменүүд хамтран улсын гарьд Ц.Бямба-Отгонд Ланд-300 автомашин бэлэглэжээ. Мөн Өвөрхангай аймгийн Засаг даргын Тамгын газар хувийн хэвшилтэй хамтран хоёр өрөө байр, “Нутгийн буян” групп 114 мкв дөрвөн өрөө байр бэлэглэсэн байна.
Түүнчлэн гарьдын төрж өссөн Төгрөг сумын ард иргэд, нутгийн удирдлага, Улаанбаатар хот дахь нутгийн зөвлөлөөс бүрэн хэрэглэлтэй хос морь бэлэглэжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй