БШУЯ-аас “2023-2024 оны хичээлийн жилийн бэлтгэл” сэдвээр мэдээлэл өглөө.
Энэ үеэр БШУЯ-ны Дээд болон мэргэжлийн боловсролын удирдлага, зохицуулалтын газрын дарга Х.Тамир багш нарын нийгмийн байдлыг дэмжих, ур чадварыг дээшлүүлэх, үнэлэмжийг нэмэгдүүлэхээр хэрэгжүүлж буй бодлого, арга хэмжээний талаар танилцууллаа.
Тэрбээр “Аймаг, сум, баг, тосгон дахь төрийн болон орон нутгийн өмчит цэцэрлэг, дунд сургууль, мэргэжлийн боловсролын байгууллагын багш эхний таван жил болон дараагийн гурван жил тутамд нэг удаа 6 сарын үндсэн цалинтай тэнцэх хэмжээний мөнгөн тэтгэмж авахаар хуульчилсан.
Мөн төрийн болон орон нутгийн цэцэрлэг сургуульд 15 жилээс дээш хугацаанд тасралтгүй ажилласан багшийн нэг хүүхдийг үнэ төлбөргүй суралцуулна. Гэхдээ тэргүүлэх болон эрэлттэй мэргэжлээр суралцсан тохиолдолд сургалтын төлбөрөөс чөлөөлөх” тухай мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй