Өчигдөр буюу 08 дугаар сарын 29-ний өдрийн 14 цаг орчимд Говь-Алтай аймгийн Зоонозын өвчин судлалын төвд “Цээл сумын Дэрстэй багийн нутаг Хүн толгойтын эхэнд 15 настай иргэн шалтгаан тодорхойгүйгээр нас барсан” тухай дуудлага иржээ. Тус төвөөс найман хүний бүрэлдэхүүнтэй багийг гарган газар дээр нь очиж ажиллаж байгаа аж.
Цээл сумаас 50 км-ийн зайд орших Дэрстэй багийн иргэн, 15 настай хүү энэ сарын 21-ний өдөр тарвага агнаж, гэртээ авчран наймуулаа идсэн гэх өгүүлэмжтэй байх тул уг тохиолдлыг тарваган тахал байж болзошгүй хэмээн үзэж байгаа аж. Улмаар ойрын хавьтагч 16 хүнээс шинжилгээ авч, хөл хорио тогтоогоод байгаа юм байна.
Шинжилгээний хариу 24-48 цагийн дараа тодорхой болох гэнэ.
Цээл сум дахь нөхцөл байдлын талаар Говь-Алтай аймгийн Зоонозын өвчин судлалын төвийн дарга Р.Наранбаатар ийн ярьж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй