Үргэлжлэн орсон ус ихтэй борооны улмаас хөрсний бохирдол нэмэгдэж, гэдэсний халдварт өвчлөлийн эрсдэл ихсэх хандлагатай байгаа тухай ХӨСҮТ-өөс мэдээллээ.
ХӨСҮТ-ийн тандалт судалгааны тасгийн эрхлэгч Амгалан: “Он гарснаас хойш эхний зургаан сарын байдлаар 3800 гаруй хүн гэдэсний халдвараар өвдсөн байна. Үүний 80 хувь нь гар, хөл, амны өвчин. Тус халдвараар ихэнхдээ 0-4 насны хүүхдүүд өвчилдөг бөгөөд хүүхдийн гар, хөл, амаар цэврүүт тууралт гарч, өндөр халуурдаг. Мөн цусан суулга өвчнөөр 500 орчим хүн өвчилсөн. Эдгээр халдварууд өмнөх онтой харьцуулахад 2 дахин нэмэгдсэн үзүүлэлттэй гарсан.
Гэдэсний халдварт өвчин хоёр дахин өссөн бөгөөд жилийн дараа халдварын бүртгэл илүү их нэмэгдэх хандлагатай байна. Мөн бороо их орсны улмаас хөрсний бохирдол нэмэгдэж буй тул ахуйн ариун цэврийг сахих шаардлагатай байна” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй