Ёкозүно Тэрүнофужи хуримаа хийжээ. Токио хотын нэгэн томоохон зочид буудлын хүлээн авалтын зааланд 31 настай их аварга, түүний 29 настай эхнэрт баяр хүргэхээр 800 орчим хүн цугларсан байна.
Зочдын дунд озеки Такакэйше, шинэ озеки Киришима, озеки асан Кайо, Олимпийн хоёр удаагийн аварга жүдогийн их аварга Шёохэй Оно нар байв.
Гантулгын Ган-Эрдэнэ, Цэгмэдийн Доржханд хоёр 2014 онд Тэрүнофужи макучи зиндаанд барилдах болсон үеэр танилцжээ. Монгол баатар бүсгүйн гоо үзэсгэлэнд татагдсан бол, бүсгүй түүний дандаа инээдэг занд нь татагджээ.
2018 онд Гэгээн Валентины өдрөөр Ган-Эрдэнэ хайраа илчилж, дараагийн өдөр нь тэд гэрлэлтээ бүртгүүлж байжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй