Үндэсний бөхийн холбооны удирдах зөвлөл өчигдөр Бөхийн өргөөнд хуралдсан байна. Энэ үеэр сар шинийн барилдаанд зодоглосон 256 бөхөөс шөвгийн 16-д үлдсэн бөхчүүдийн допингийн шинжилгээний талаар мэдээлсэн юм.
Тэгвэл, Улсын арслан Э.Оюунболдоос S1 төрлийн бодис илэрсэн талаар ҮБХ-ны тэргүүн Ц.Магалжав мэдээлжээ. S1 нь допингийн төрлийн бодист хамаардаг юм байна.
Сар шинийн барилдаанаас хойших бүх барилдаанд зодоглоогүй таван бөхийн нэг нь Э.Оюунболд аж.
Өмнө нь Э.Оюунболдоос хоёр удаа допинг илэрсэн. Тэрээр үүнээс улбаалан Улсын аварга цолоо хураалгасан билээ. Энэ удаагийнх түүний гурав дахь нь болж байна.
Иймд дүрэм ёсоор Улсын арслан Э.Оюунболд бүх насаараа барилдах эрхгүй болно.
ҮБХ-ны тэргүүн Ц.Магалжав өмнө нь гурван бөх допингийн асуудал гаргасан хэмээн мэдээлээд байсан юм. Тэгэхээр Э.Оюунболдоос гадна дахиад хоёр бөхөөс допинг илэрсэн гэсэн үг юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй