Найруулагч Ж.Сэнгэдоржийн “Худалдагч охин” кино “Vesoul Film festival in Asian Cinema” 29 дэх кино фестивалийн шилдэг кино болж “Алтан дугуй” цом хүртсэн байна.
Тус наадамд 31 орны 85 кинотой өрсөлдөж энэхүү хүндтэй гран при цомын эзэн болжээ. Үүнээс өмнө тус кино нь “New York Asian Film Festival 2022” наадмаас шилдэг кино, “Худалдагч охин” киноны гол дүрийг бүтээсэн жүжигчин Б.Баярцэцэг Осакагийн олон улсын кино наадмаас шилдэг эмэгтэй дүрийн шагнал хүртсэн билээ.
Б.Баярцэцэг Оскарын шагналт Монголын анхны жүжигчин болохыг мөрөөддөг, христийн шашин шүтдэг. Түүнийг “YZ tv”-ийн “Toxic” “Blah”, “100-ийн хайр” нэртэй хэд хэдэн контентоор нь үзэгчид мэддэг болсон.
Найруулагч Ж.Сэнгэдоржийн “Худалдагч охин” киноны гол дүрд 300 орчим хүн шалгуулснаас түүнийг сонгосон гэх юм билээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй