Нүүрсний хулгайн авлигын мөнгөөрөө 4.6 тэрбумын үнэ бүхий оффис худалдан авсан байжээ

2023-01-25 528 0

АТГ-аас нүүрсний хулгайн хэрэгтэй холбогдуулан мэдээлэл өглөө.

АТГ-аас нийт 36 хэрэгт мөрдөн шалгах ажиллагаа явуулж, гурван хэргийг прокурорын байгууллагад шилжүүлж, нийт 421 хүнээс мэдүүлэг авчээ.

Нийт 66 иргэн, албан тушаалтныг яллагдагчаар татаж, 26 хүнийг хойшлуулшгүйгээр баривчлан саатуулж, долоон яллагдагч цагдан хоригдож байна. 19 хүнийг хилээр гарахыг хориглож, хувийн баталгаа авах таслан сэргийлэх арга хэмжээг 35 хүнд аваад байна.

Эрх бүхий албан тушаалтнууд 13 тэрбумын хахууль авсан байж болзошгүй нөхцөл байдал тогтоогдоод байна. 71 орон сууц, гурван оффис, 43 тээврийн хэрэгслийн шилжилт хөдөлгөөнийг царцааж, 35 иргэн, 37 хуулийн этгээдийн дансны хөдөлгөөнийг хязгаарласан байна.

Мөрдөн шалгах ажиллагааны явцад илэрсэн 630 сая төгрөг, 230 мянган ам.долларын эх үүсвэрийг шалгах ажиллагаа үргэлжилж байна.

Хөрөнгийг битүүмжилсэн хоёр жишээг танилцуулахад:

  1. Төрийн өмчит компанийн удирдах албан тушаалтнаар ажиллаж байсан этгээд Тавантолгойн орд газраас хөрс хуулалт явуулж байсан хуулийн этгээдтэй гэрээ хийснийхээ хариуд хахууль авч, хахууль авсан мөнгөөрөө ХУД 4.6 га талбайд спорт цогцолбор, орон сууцны хорооллын барилгын ажлыг эхлүүлсэн байжээ.
  2. Мөн төрийн өмчит компанийн удирдах албан тушаалтнаар ажиллаж байсан этгээд нь өөрийн найз нөхдийн хамаарал бүхий этгээдийн нэр дээр СБД-ийн 1-р хороонд байрлах оффисоос тус бүр 2.5 тэрбум, 2.1 тэрбум төгрөгөөр үнэлэгдэх оффисын талбайг худалдан авч, түүнийгээ түрээслүүлэн нэг тэрбумын орлого олсон байжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Д.Тогтохсүрэн: Гурил, малын тэжээлийн импортын татварыг тэглэх саналыг МАН-ын бүлэг бүрэн дэмжихээр болсон

УИХ дахь МАН-ын бүлгийн хуралдаанаар хэлэлцсэн асуудлын талаар бүлгийн дарга Д.Тогтохсүрэн м

2024-03-25

Тэтгэвэр, тэтгэмжийг 50-100 мянган төгрөгөөр нэмэгдүүлэхээр боллоо

Засгийн газрын өнөөдрийн хуралдаанаар тэтгэврийн болон халамжийн сангаас олгох тэтгэвэр, тэтгэмжийг

2024-03-20

Даян аварга Н.Батсуурь “Наурызын баяр”-ын бөхийн барилдааны түрүүг авлаа

"Наурызын баяр"-т зориулсан улс, аймгийн алдар цолтой хүчит 128 бөхийн барилдаанд Увс аймгийн

2024-03-19