Улсын Ерөнхий Прокурорын газраас хяналт тавьсан зарим гэмт хэргийн шийдвэрлэлт, явц байдлын талаар мэдээлэл өгсөн. Энэ үеэр “Иргэн С.Батдөлд татвар төлөхөөс зайлсхийсэн, мөнгө угаасан байж болзошгүй хоёр үндэслэлээр хэрэг бүртгэлтийн хэрэг нээсэн.
Шалгалтын ажиллагаа үргэлжилж байгаа, хураагдсан мөнгөний эх үүсвэрийг тогтоох ажиллагаа явагдаж байна. Уг хэргийг цагдаагийн байгууллага болон АТГ-ын хамтарсан баг шалгаж байгаа.
Мөрдөн шалгах ажиллагааны явцад хахууль авсан, үндэслэлгүй хөрөнгөжсөн эсвэл албан тушаалын байдлаа урвуулан ашигласан нөхцөл байдал тогтоогдвол АТГ-аас Эрүүгийн хэрэг үүсгэж, яллагдагчаар татах саналыг прокурорт өгнө. Улмаар мөрдөгчийн саналыг хяналтын прокурор хянаад үндэслэлтэй хэмээн үзвэл Эрүүгийн хэрэг үүсгэж яллагдагчаар татна” гэж мэдэгдлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй