Буруу талдаа хүрдтэй тээврийн хэрэгслийг элэгдэл, хорогдлоос нь хамаараад хориглохоос өөр аргагүй

2022-11-28 519 0

НИТХ-ын ээлжит хуралдааны эхэнд Нийслэлийн Засаг дарга Д.Сумъяабазар Нийслэлийн 2023 оны төсвийн төслийг танилцуулсан юм. 

Мөн үеэр НИТХ-ын төлөөлөгч Д.Гантулга автозамын түгжрэл бууруулах чиглэлд ямар арга хэмжээ авч ажиллах талаар тодруулахад хотын дарга Д.Сумъяабазар “Улаанбаатар хотын эрх зүйн байдлын тухай хуулийг шинэчлэн найруулсан. 27 жил УИХ битгий хэл Засгийн газрын босгыг даваагүй хуулийг оруулсан. Одоо Газрын багц хууль, Өмчийн харилцааны хууль орох гэж байна. 

Түгжрэл гэдгээр миний ажлыг харлуулахгүй ээ. Энэ бол нийслэлийн хамгийн том бэрхшээл.

УИХ, Засгийн газар, нийслэлийн хамтын ажиллагааны үр дүнд ужиг болсон, эмх цэгцгүй байгаа байдлыг цэгцэлнэ. Бид өнгөрсөн баасан гарагт Ерөнхий сайдтай ярилцаад, Засгийн газар түгжрэлийн асуудалд анхаарна гэдгээ илэрхийлсэн. У.Хүрэлсүхийн Засгийн газар утааг бууруулсан шиг Л.Оюун-Эрдэнийн Засгийн газар түгжрэлийн 50 хүртэлх хувь бууруулахын тулд ажиллана. Үүний тулд хүн амын механик өсөлтийг бууруулах хэрэгтэй. Түүнчлэн тээврийн хэрэгслийн импортыг хязгаарлахаас өөр арга байхгүй.

Буруу хүрдтэй тээврийн хэрэгслийг элэгдэл, хорогдол зэргээс нь хамаараад, тодорхой хугацааны дараа нийслэлд явахгүй байх арга хэмжээ авахаас өөрцгүй.

Мөн автозамын хураамжийг ч нэмэгдүүлнэ. Эдийн засгийн хөшүүргийг ч хэрэглэхээс өөр аргагүй. Энэ асуудлыг Түгжрэлийг бууруулах үндэсний хороонд асуудлаа тавина. Мөн түгжрэлийн тухай хуулийн тухай ч ярилцана” гэв. 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Халдлагын үеэр олон арван хүний амийг аварсан Ислам хүү 15 настай

“Крокус Сити Холл”-д халдлага болох үеэр танхимаас гарахаар айж сандарсан хүмүүст тус цогцолборын өл

2024-03-25

“Choco Pie” хулгайлсан этгээдийг 10 хоног баривчилжээ

Энэ оны хоёрдугаар сарын 27-ны өдөр цахим орчинд “Залуус "GS25" сүлжээ дэлгүүрээс "Choco pie" хулгай

2024-03-25

Хүн худалдаалах гэмт хэргийн хохирогч болсон 44 иргэнийг эх оронд нь авчирчээ

Хүн худалдаалах гэмт хэрэг нь хөдөлмөрийн мөлжлөг, захиалгат гэрлэлт, эд эрхтний наймаа зэрэг олон х

2024-03-24