Эгшиглэнт эхийн хишигт найрагч тодруулах “Болор цом-40” яруу найргийн наадам бүтээлээ авч эхэлжээ. Их эзэн Чингис хааны мэндэлсний 860 жилийн ойг ташлан Их хааны суу алдрыг алдаршуулан мөнхлөх, үйлс бүтээлийг хойч үедээ таниулан сурталчлах зорилгын хүрээнд “Болор цом-40” яруу найргийн наадмыг зарлаж буйгаараа онцлогтой юм байна.
“Болор цом-40” яруу найргийн наадамд бүтээлээ ирүүлэх найрагчид тухайн онд бичсэн, ном, хэвлэл, цахим орчинд нийтлэгдээгүй хоёр шүлгийг ирүүлэх юм.
Наадамд ирүүлэх хоёр бүтээлийн нэг нь Эзэн Чингис хааны суу алдар, үйлс бүтээлийг алдаршуулан дуулсан утга агуулга бүхий байх ёстойг анхаарууллаа. Бүтээлийг МЗЭ-ийн 206 тоотод хүлээн авах бөгөөд арваннэгдүгээр сарын 18-ныг дуустал хүлээн авна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй