Аваргын магтаал
Дархан аварга Д.Дамдин хөдөө зочлоход бөхөө дээдэлдэг монгол түмний ёсоор гэрийн эзэд алдарт аваргад идээний дээдийг барьжээ. Аварга ч нэлээн халамцаж, хөлд орж буй хүүхдийг өвөр дээрээ суулган өхөөрдсөнөө,
-Сайн эр! Ёстой бөх болох хүү байна!
-Аваргаа, наадах чинь охин шүү дээ
-Сайн охин! Ёстой бөх төрүүлэх охин байна гэж магтжээ.
Өндөр хүний зовлон
Улсын начин Оргилболд автобусанд орж ирээд зогсож байтал кондуктор бүсгүй их ууртайгаар:
-Хөөе тэр нэг юм юу гэж сандал дээр зогсоод байгаа юм, буугаач гэж хашгирав.
Хариу барьсан нь
Социализмын үед их зохиолч Ренчингээс гадаадын том албаны хүн:
-Танай барилгууд яахаараа дандаа ийм намхан байдаг юм бэ. Танайх ийм ядуу юмуу гэж тавласан шинжтэй асуухад Ренчин гуай:
-Газар нутаггүй та нар шиг юмнууд дээш нь барьдаг юм. Манайх та нарыг бодвол газар нутагтай учраас хажуу тийш нь барьдаг юм гэж амыг нь таглажээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй