Сэлэнгэ аймагт ОХУ-ын иргэн автомашин жолоодож яваад осолдож, нас баржээ.
Тодруулбал, Сэлэнгэ аймгийн Шаамар сумын Дулаанхан багийн Шаамар гурав гэдэг газар Волво загварын ачааны автомашин замын хажуу руу унасан тухай дуудлага өчигдөр 17:26 цагт бүртгэгджээ.
Дуудлагаар тус аймгийн Онцгой байдлын газрын алба хаагчид очиход ОХУ-аас Монгол Улсын Орхон аймгийн чиглэлд 26 тонн замын хар тос тээвэрлэж явсан Волво загварын ачааны автомашин замын хажуу руу унаж ОХУ-ын иргэн, эрэгтэй жолооч автомашины эд ангид хавчуулагдаж нас барсан байсныг гаргаж, тус аймгийн Цагдаагийн газрын эрүүгийн тасгийн мөрдөгчид шилжүүлэн өгсөн байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй