М.Лхагвагэрэл дэлхийн аваргын алтан медалийн төлөө өрсөлдөнө

2022-09-16 1077 0

Сербийн Белград хотноо болж буй Бөхийн ДАШТ-ий эмэгтэй, чөлөөт бөхийн барилдаанууд үргэлжлэн явагдаж байна. Эмэгтэйчүүдээс манайхан хоёр мөнгөн медаль хүртсэн. 50 кг-ийн жинд Д.Отгонжаргал, 53 кг-ийн жинд Б.Хулан нар Монголын багт “ихэр” мөнгөн медаль авчирсан билээ.

Мөн 57 кг-ийн жинд Э.Даваачимэг, 59 кг-ийн жинд Б.Эрдэнэсувд нар хүрэл медалийн төлөө барилдаанд ялагдан тавдугаар байрт шалгарлаа. Өнөөдөр эрэгтэй чөлөөт бөхийн 70, 79, 86, 125 кг-ийн жингийн урьдчилсан барилдаан эхэллээ. Хамгийн хүнд буюу 125 кг-ийн жинд ДАШТ-ий хүрэл медальт, “Токио-2020” олимпийн тавдугаар байрт шалгарч байсан Мөнхтөрийн Лхагвагэрэл 1/8 -д Узбекистаны Х.Рахимовтой оноолт таарсанч өрсөлдөгч нь өмнөх барилдаанд гэмтэл авсан тул дэвжээнд гарсангүй манай бөхөд ялалт ирлээ.

Шөвгийн наймд Лхагвагэрэл Казахстаны О.Болтинтой учраа тааран 4:2 оноогоор ялж, хагас шигшээд үлдэв. Учраа нь Гүржийн Гено Петриашвили. Олимпийн мөнгө, хүрэл медальтай, Дэлхийн гурван удаагийн аварга, мөн мөнгөн медаль нэг, хошой хүрэл медальтай айхтар ” амьтан”. Ноднин Токиогийн олимпод хүзүүндээ зүүсэн алтаа сүүлчийн хоромд алдаж, уйлах, уурлах нь зэрэгцэж заалаар дүүрэн юм болж байхыг дэргэдээс нь харж байлаа.

Манай Лхагвагэрэл аваргатай үнэхээр бахадмаар барилдаж, 4:2 оноогоор хожиж, алтан медалийн төлөө маргааш Туркийн Таха Акгюльтай өрсөлдөх боллоо.

Ахгюль бас л ланжгар бөх. Риогийн олимпийн аварга, Токиогийн олимпийн хүрэл медальтай, Дэлхийн хошой аварга, хошой мөнгө, хошой хүрэл медальтай. Сая хагас шигшээд Ираны бөх дэлхийн аварга, олимпийн хүрэл медальт Амир Зарег 4:2 оноогоор хожиж гарч ирсэн. Манай Лхагвагэрэл “Токио-2020” олимпийн наадамд Ахгюльд 0:5 оноогоор ялагдсан. Маргааш “даагаа нэхнэ”. Аваргыг хаяж, аварга болдог юм даа, Урагшаа! Лхагвагэрэл ээ!

Ц.Энхтүвшин, “Таван цагариг” Гэрэл зургийг Д.Нямбилэг

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

З.Мэндсайхан: Оюутолгойн ногдол ашгийг бэлнээр тараах нь буруу гэж үзэж байгаа, Сангийн сайдын хувьд

Сангийн сайд З.Мэндсайхан Оюутолгойн ногдол ашигтай холбоотой асуудлаар сэтгүүлчдэд мэдээлэл өглөө

2026-11-04

Хууль зөрчсөн, хүнд суртал үүсгэсэн 113 албан тушаалтанд хариуцлага тооцно

Засгийн газрын ээлжит хуралдаан 2026 оны арваннэгдүгээр сарын 4-нд боллоо. Аудитын байгууллагаас

2026-11-04

Б.Пүрэвдагва: Би Нийслэлийн МАН-ын даргад нэр дэвшинэ

Эрх баригч МАН-ын Нийслэлийн намын хороо ирэх арваннэгдүгээр сарын 7-нд Бага хурлаа хийж, шинэ дарга

2026-10-23