Дэлхийн мал амьтны эрүүл мэндийн байгууллага /OIE/-ын мэдээллийн санд Хонконг улсад нохойд хийсэн шинжилгээгээр COVID-19 вирүс илэрч оношлогдсон тухай мэдээлэл бүртгэгджээ. Вирүсийн халдвар илэрсэн нохойг 2020 оны 02 дугаар сарын 26-ны өдөр мал эмнэлэгт үзүүлжээ. Мал эмнэлгийн үзлэгээр тус нохойны хамар, ам, шулуун гэдэс, ялгадас зэргээс арчдас, дээж авч шинжилгээнд хамруулахад хамрын болон амны хөндийн дээжээс “COVID-19” вирүс илэрсэн байна. Нохойноос эмнэлзүйн өвөрмөц шинж тэмдэг илрээгүй гэв.
Улмаар хоёрдугаар сарын 28, гуравдугаар сарын 02, 05-ны өдрүүдэд авсан нэмэлт шинжилгээгээр мөн “COVID-19” вирүс илэрсэн байна. Одоогоор вирүс илрүүлэх хугацааг тогтоохоор ажиллаж байгаа бөгөөд тус нохойг мал эмнэлэг, хорио цээрийн хяналтад 14 хоног байрлуулах аж.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй