УИХ дахь АН-ын бүлэг хуралдаж, Д.Ганбатыг бүлгийн даргаас огцруулж, О.Цогтгэрэлийг дэмжсэн. Хариуд нь Д.Ганбат эсэргүүцэх бичиг УИХ-ын даргад өргөн барьсан ч О.Цогтгэрэл Үндсэн хуулийн нэмэлт өөрчлөлтийг дэмжих нөхцөлтэйгөөр бүлгийн даргын суудлаа авсан юм.
Энэ үед Д.Ганбат, С.Эрдэнэ нар О.Цогтгэрэл, С.Одонтуяа нарын гишүүдийг намаас хөөж байгаагаа мэдэгдсэн ч өнөөх гишүүд нь С.Эрдэнэ биднийг намаас хөөх хэмжээний хүн биш гэсэн хариултыг өгч буй. Үүний дараа бүлгийн даргын өрөөгөө суллаж өгөхгүй гэж гүрийсэн ч Төрийн тусгай албан хаагчид өрөөг нь лацдан, Д.Ганбатыг оруулахыг хориглосон билээ.
Өрөө ч үгүй, бүлэг ч үгүй хоцорсон Д.Ганбатын нэрийг УИХ-ын даргын зөвлөлөөс хасаж, О.Цогтгэрэлийг нэмсэн байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй