Буруу талдаа жолооны хүрдтэй тээврийн хэрэгслийг хориглох эсэхийг эцэслэн шийдвэрлэнэ

2022-08-15 253 0

Энэ намар түгжрэлийн эсрэг зоригтой шийдвэр гаргаж ажиллахыг Ерөнхий сайд Л.Оюун-Эрдэнэ өчигдөр хотын удирдлагуудад сануулсан.

Ерөнхий сайд Л.Оюун-Эрдэнэ “Буруу талдаа жолооны хүрдтэй автомашиныг хязгаарлана гээд олон жил ярьлаа. Энэ асуудлын тухайд талбай дээр жагсаж байгаа хэдэн хүнийг нийслэлчүүдийн эрх ашгийг бүтэн чөлөөлж байна гэж үзэх боломжгүй. Цахим ертөнцөд шуугиж байгаа хэдэн хүнийг Улаанбаатар хотын иргэдийг бүтэн чөлөөлж байна гэж үзэх боломжгүй.

Тийм учраас үүнийг тооцоо судалгаатай, нэгдсэн стандартаар, түүврийн аргаар нь судалгааг нь хийгээд, яг сонгууль шиг санал асуулга зохион байгуулах хэрэгтэй. Ингэж байж Улаанбаатар хот аврагдах тухай асуудал яригдана” гэлээ.

Нийслэлээс өнгөрсөн хавар авто замын түгжрэлийг бууруулах чиглэлээр авч хэрэгжүүлэх шаардлагатай арга хэмжээний тухай санал асуулгыг иргэдээс авсан билээ. Уг санал асуулгад буруу талдаа жолооны хүрдтэй тээврийн хэрэгслийн хөдөлгөөнийг хугацаа тогтоож хориглох тухай асуухад иргэдийн 50.8 хувь нь дэмжээгүй байдаг.

Тэгвэл дээрх асуудлыг энэ сарын сүүлээр НИТХ-аар хэлэлцэж тодорхой шийдвэрийг гаргахаар болжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Гурилан бүтээгдэхүүний үнэ 30-50 хувь өснө

Мон­­го­лын гурилан бүтээгдэхүүн үйлд­­­вэр­­лэгчдийн холбооноос гурилан бүтээгдэхүү­­­­ний үнэ нэм

2022-09-30

“Эрдэнэс монгол” ХХК 117.2 тэрбум төгрөгийн зээл төлжээ

“Эрдэнэс Монгол” ХХК “Тавантолгой-Гашуунсухайт” чиглэлийн авто замыг төрийн мэдэлд шилжүүлэхтэй хол

2022-09-30

Зарим газраар бороо, уулархаг нутгаараа нойтон цас орно

Өнөөдөр ихэнх нутгаар үүлэрхэг. Баруун болон төвийн аймгуудын нутгийн зарим газар, зүүн аймгуудын н

2022-09-30