Э.Бат-Үүл: Д.Сосорбарам руу өчигдөр шившлэгтэй нунтаг цацсан

2022-05-12 319 0

Нийслэлийн АН-аас зохион байгуулсан “Монголоо Беларусь болгохгүй” жагсаалын үеэр Х.Бээжин нарын дээлтэй иргэд Д.Сосорбарам гуай руу гурил цацаж, эсэргүүцлээ илэрхийлсэн.

Өнөөдөр /2022.05.12/ С.Эрдэнийн Ардчилсан намаас тус асуудлаар мэдээлэл хийлээ.

Нийслэлийн Ардчилсан намын дарга Э.Бат-Үүл:

Намынхаа залуучууд, төөрөлдөж яваа гишүүдийг Д.Сосорбарам ахынхаа мөрөөр намдаа эргэж ирээрэй гэж уриалж байна. Сүүлийн сар орчмын хугацаанд Монгол Улсын тусгаар тогтносон байдлыг үл хүндэтгэх байдал газар авах боллоо. ОХУ-ын Элчин сайд И.К.Азизов, Ерөнхийлөгч асан Х.Баттулга, Гадаад Харилцааны сайд асан Л.Эрдэнэчулуун нарын тэргүүлсэн бүлэглэл бий болоод үйл ажиллагаа нь улам эрчимжиж байна.

Миний нэрлэж байгаагаар Владимир Путины тавдугаар цуваа хүчээ аваад, манай улсын бүрэн эрхт байдалд илт халдаж байна.

Ямар ч Элчин сайд улс орны хэрэгт бүдүүлгээр оролцож байсан жишиг дэлхийд байхгүй. Гадаад харилцааны сайдаар ажиллаж байсан хүн Монголын ард түмнийг Владимир Путинээр айлгах гэж оролдсон. Ерөнхийлөгч асан Х.Баттулга ОХУ-ын ялалтын баярыг түрэмгийллийн баяр болгон хувиргаж байхад хүндэтгэл үзүүлсэн. Илтэд өдөөн хатгасан үйл ажиллагаа явагдсан.

Өчигдөр олон зүйлийн зангилаа харагдсан. Нийслэлийн Ардчилсан Намынхан өчигдөр Хэлмэгдэгсдийн хөшөөнд хүндэтгэл үзүүлэх гэж очсон. Д.Сосорбарам руу шившлэгтэй нунтаг цацав уу гэж бодсон.

Монголчууд ингэж доромжлуулахгүй. Хэлмэгдсэн хүмүүс биднийг эрх чөлөөтэй амьдраасай гэж амь насаа өргөсөн. Тавдугаар сарын 25-ны 11:00 цагт Монгол Улсын тусгаар тогтнол, бүрэн эрхт байдлыг үл тоомсорлож байгаа хүмүүст өөрсдийн хүсэл зоригоо илэрхийлэх цуглаан хийнэ. Бид дахиж колоничлогдохгүй гэдгээ илэрхийлнэ. Та бүхнийг хүрэлцэн ирэхийг урьж байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Д.Сосорбарам: Хүний амь шиг үнэ цэнтэй зүйл хорвоод үгүй, зулын гол болно гэж муу ёрлохоо боль!

АН-ын удирдлагууд Хэлмэгдэгсдийн хөшөөний өмнө өнөөдөр мэдээлэл хийх үеэр АН-ын гишүүн Д.Сосор

2022-05-20

Б.Жавхлан: Нэг хүнд ногдох үндэсний орлогыг 10000 ам.долларт хүргэнэ

УИХ-ын чуулганы нэгдсэн хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэ

2022-05-19

Улсын цолыг допингийн хариу гарсны дараа олгодог болно

Үндэсний их баяр наадмын тухай хуулийн шинэчилсэн найруулгын төслийг УИХ-аар хэлэлцэж эхэлж байна.

2022-05-18