“Монголдоо сайхан амьдармаар байна” уриатай залуусын тайван жагсаал төв талбайд хоёр дахь өдрөө үргэлжилж байна.
Залуусын зүгээс Засгийн газарт өчигдөр долоон зүйл бүхий шаардлагыг хүргүүлсэн билээ. Харин өнөөдөр тус шаардлага дээр нэмж, нийт 11 багц асуудлыг шийдвэрлэхэд анхаарахыг хүслээ. Ерөнхий сайд Л.Оюун-Эрдэнэ өөрийн биеэр тус шаардлагыг хүлээн авч, нийт иргэдээс уучлалт хүссэн юм.
Залуус үнийн өсөлтийг зохицуулахад анхаарах, ачаа тээврийн урсгалыг сайжруулах, авлига, албан тушаалын хэрэгт оноох ялыг чангаруулж, хариуцлагыг нэмэгдүүлэх зэргийг шаардаж байгаа.
Энэхүү шаардлагуудыг хэлэлцэхээр Засгийн газар ээлжит бусаар хуралдахаар болжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй