МЗХ-ны Ерөнхийлөгчийн зөвлөх Б.Дэмбэрэл цахим хуудсандаа “Өнөөдрийн хэвлэлийн бага хурал дээр асгасан хоёр шил архинд харамсаад гашуудаад байгаа нөхдүүдэд хэлэхэд гуравдугаар сарын 18-нд Сүхбаатарын талбай дээр бид 2000 шил архи асгана” хэмээн бичсэн.
Тэгвэл МЗХ-ны Ерөнхийлөгчийн зөвлөхийн ийнхүү мэдэгдсэнийг “албан бус мэдэгдэл, архи асгах төлөвлөгөө байхгүй” гэж МЗХ-ны Ерөнхий нарийн бичгийн дарга Э.Цэнд-Аюуш тайлбарлалаа.
Тэрбээр “Монголын залуучуудын холбоо 2012 оноос эхлэн архидалтын эсрэг дуугарч эхэлсэн. Монгол Улсын Ерөнхийлөгчийн ивээл дор эрэгтэйчүүдийн чуулганыг зохион байгуулж, архидалтын эсрэг хөдөлгөөнийг өрнүүлэхээ зарласан.
Жил бүр гуравдугаар сарын 18-нд хамгийн их архи борлуулагддаг, гэмт хэрэг хамгийн их үйлдэгддэг. Энэ өдрийг амар тайван баярлая гэсэн утгаар архидалтгүй баярлахыг уриалж байна. Мөн өнөөдөр Сүхбаатарын талбай дээр Open miс арга хэмжээг зохион байгуулна.
Монголын залуучуудын холбооны удирдлагуудын зүгээс архи асгах талаар албан ёсны мэдэгдэл хийгээгүй, төлөвлөөгүй” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй