Нийслэлийн 97 дугаар сургуулийн хоёрдугаар ангийн сурагч багшдаа зодуулсан гэх мэдээлэл цахим орчинд анх нийтлэгдсэнээс хойш тухайн багшийг ажлаас нь халах шийдвэр хүртэл гарч үйл явдал тун хурдацтай өрнөв.
Энэ хэрэгтэй холбоотойгоор тус сургуулийн Ёс зүйн зөвлөл хуралдаж Л. Цэрэнбадам багшийг ажлаас нь чөлөөлөх шийдвэр гаргасныг дэмжигчид бас эсэргүүцэгчид цахим орчинд талцалдаж байна.
Харин тус салбарын сайд энэ асуудалд “Өчигдөр сургуулийн зөвлөл нь хуралдсан. Багш өөрөө уучлал гуйж, өргөдлөө өгсөн гэдэг мэдээлэл авсан.
Өөрөө уучлалт гуйсан болохоор багшийг хүүхдэд гар хүрсэн л гэж ойлгож байгаа.
Харин сурагчийн гар дээрх улайлт багшийн цохилтоос үүссэн үү гэдгийг хуулийн байгууллага тогтоох байх. Гэхдээ тухайн багш ёс зүйн хариуцлага хүлээх ёстой” гэсэн байр суурьтай байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй