Л.Энх-Амгалан: Сайн багш өндөр, муу багш бага цалин авдаг тогтолцоо руу шилжинэ

БШУ-ны сайд Л.Энх-Амгалан үр дүнд суурилсан санхүүжилтын тогтолцоонд энэ сардаа багтан шилжинэ хэмээн мэдэгдлээ.

БШУ-ны сайд Л.Энх-Амгалан “Цалингийн доод жишиг Засгийн газрын хуралдаанаар батлагдлаа. Цалингийн доод жишгээс дээш багш нарын цалин хэдэн ч төгрөг байх боломжтой.  Багш нарын ажил хүүхдийн сурлагын үр дүнгээр хэмжигдэнэ.

Сайн багш өндөр цалин авч, муу багш бага цалин авдаг тогтолцоо руу шилжих шаардлагатай.

Багшийн цалингийн доод жишиг батлагдсан учраас гуравдугаар сарын дундаас үр дүнд суурилсан санхүүжилтын тогтолцоонд шилжинэ. 1-2  сарын үр дүнгийн урамшууллыг нөхөж олгох боломжтой гэж харж байна.

Багш нарын цалингийн доод жишиг дээшилж байна. Цалингийн доод жишиг дээшилж байгаа учраас үүн дээрээ үндэслэсэн үр дүнд суурилсан санхүүжилтын тогтолцоогоо нэвтрүүлнэ.

Ажилласан жилээсээ шалтгаан суурь цалингаасаа нэмэгдлээ бодуулна. Нэг жил ажилласан багш 20 жил ажилласан багштай адил цалин авахгүй” гэлээ.