Засгийн газрын хуралдаанаар Хөгжлийн банкнаас зээл авсан төрийн өмчит компаниудыг зээлээ яаралтай төлж барагдуулахыг үүрэг болгожээ.
Хөгжлийн банкны нийт активын 55.4 хувь буюу 1.6 их наяд нь найдваргүй зээлийн ангилалд орсон. Тэгвэл өнгөрсөн хоёрдугаар сарын 1-ээс дуулиан эхэлснээс хойш 49.8 тэрбум төгрөгийн эргэн төлөлт хийгджээ.
Хөгжлийн банкнаас зээл авсан төрийн өмчит компаниуд гэвэл Монгол газрын тос боловсруулах үйлдвэр ТӨХК, Дорнод бүсийн эрчим хүчний систем ТӨХК, МИАТ ТӨХК, ДЦС4 ТӨХК,Төрийн орон сууцны корпорац, “Эрдэнэс Монгол” ХХК, Эрчим хүчний яам зэрэг байгууллагууд ажээ.
“Монгол газрын тос боловсруулах үйлдвэр” ТӨХК 203 тэрбум төгрөгийн, Дорнод бүсийн эрчим хүчний систем ТӨХК 19 тэрбумын, МИАТ 15 тэрбумын, 4-р цахилгаан станц 224 тэрбумын, Төрийн орон сууцны корпорац 300 тэрбумын, Эрдэнэс Монгол ХК 151 тэрбумын зээлийн өрийн үлдэгдэлтэй байгаа ажээ. Эдгээр нь Хөгжлийн банкны нийт өрийн гуравны нэгтэй тэнцэх хэмжээний өртэй байгаа юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй