Улсын Их Хурлын дарга Г.Занданшатарын Монгол Улсын Их Хурлын ээлжит бус чуулганыг 2022 оны нэгдүгээр сарын 28-ны өдрөөс хоёрдугаар сарын 1-ний өдрүүдэд хуралдуулах захирамж гарлаа.
Ээлжит бус чуулганаар тэтгэврийн доод хэмжээг 500 мянган төгрөг болгох эсэхийг хэлэлцэх талаар УИХ-ын гишүүн М.Оюунчимэг мэдээлсэн юм. Тэрбээр “Тэтгэврийн доод босго 350 мянган төгрөгийг 500,000 болгох, бага тэтгэвэр авч буй ахмадуудын тэтгэврийг ахиу нэмэх, мөн халамжийн тэтгэврийн хэмжээ болон байнгын асаргаа шаардлагатай 16 хүртэлх насны хүүхдэд олгох тэтгэмжийн хэмжээг 288.000 төгрөг хэвээр үлдээх зэрэг нэн чухал асуудлыг төсөвт тодотгол хийж шийдэхээр болж байна.
Үүнд ойролцоогоор 700 орчим тэрбум төгрөг шаардагдах тооцоо байна.
Засгийн газрын зүгээс нэн яаралтай бус зураг, ТЭЗҮ-гүй зарим хөрөнгө оруулалтыг царцаах замаар зарим санхүүжилтийг босгох бодлого барин ажиллаж байна. НББХ энэ асуудлаар ХНХ-ын сайдад үүрэг чиглэл өгсөн. Үүн дээр Ерөнхийлөгч У. Хүрэлсүх тэтгэвэр, тэтгэмжийг нэн яаралтай нэмэгдүүлэх чиглэл Засгийн газарт өгсөн нь ихээхэн түлхэц боллоо. УИХ-ын дарга Г.Занданшатар ээлжит бус чуулганаа эхлүүлэх захирамж ч гаргалаа” хэмээсэн юм.
Түүний хэлснээр, өнөөдөр хуралдаж эхлэх ээлжит бус чуулганаар тэтгэврийн доод хэмжээг 500 мянгад хүргэх асуудлыг хэлэлцэх бололтой.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй