Өнгөрсөн нэгдүгээр сард өмгөөлөгч Б.Баасанцогт, шүүгч Х.Идэр, Д.Отгонбаатар, З.Болдбаатар, АТГ-ын ажилтан П.Чулуунбаатар нар Энконто байрны …. тоотод шөнө дөлөөр уулзаж, архидан согтууран улмаар лифтэнд зүй бус авир гаргаж байгаа бичлэг цацагдсан байдаг.
Тухайн үедээ АТГ-аас өөрийн ажилтан П.Чулуунбаатарыг ажлаас нь чөлөөлж буйгаа мэдэгдсэн. Тэгвэл сахилгын зөрчил гаргасан гурван шүүгчийн асуудлыг Шүүхийн сахилгын хороогоор хэлэлцэж, шүүгч нарт сахилгын шийтгэл ногдуулах нь зүйтэй гэж үзлээ.
Шүүхийн тухай хуулийн дагуу СБД-ийн Эрүүгийн хэргийн анхан шатны шүүхийн шүүгч Х.Идэр, Булган аймаг дахь сум дундын Эрүүгийн хэргийн анхан шатны шүүхийн шүүгч Д.Отгонбаатар нарт албан тушаалаас огцруулах сахилгын шийтгэл ногдуулав.
Харин СБД-ийн Эрүүгийн хэргийн анхан шатны шүүхийн шүүгч З.Болдбаатарт зургаан сарын хугацаанд цалинг 30 хувиар бууруулах сахилгын шийтгэл ногдуулав.
Энэ шийдвэрт 14 хоногийн дотор гомдол гаргах эрхтэй.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй